"For the Archbishop believes fervently that "the Church is a divinity for the Rastafarians. It brings them all their heritage and teachings... We tell them what is right and wrong. Gradually every Rasta will realize this. Now, it's just half and half."

SelassieILive..Bredrin..has di I been to an Ithiopian Orthodox Church as of yet? Jus wondering? Wha Abuna meant by di statemant 'we tell dem wha is right an wrong' is dat Rasta from morning been coming to di church...like yuh seh yuh didnt know certain celebratiey gone to dem res under di last rites of di Orthodox church, well nuff Rasta fi years now, been frequenting di Orthodox church, an when dem go, dem ask di priests, an in dis case Abuna who was sent do not forget, by Selassie him self to Ja, to teach Rasta an to plant church in Ja fi di dem, by Selassie own order! So if a Ras come ask Abuna if dis is right or wrong according to di doctrine of di church of course him gwan tell dem right or wrong, nuh true? but look pon wha him seh bout Ganja. Him seh allready, him cyaant as a church institution or organization uphold Ganja becuz it is ilegal. but him nuh CONDEMN it. him seh wha Rasta do in dem own house he cannot an in a sence he will not say. Yuh sight? An as far as him addah comment, dat gradually every Rasta will sight dis, di beleifs coming from di church? perhaps not in total. but, Rasta is not only about Spirituality, which INI allready know...it is about KULCHA, an as was allready said, it is interlocked wid ITHIOPIA. our Repatriation, an in ones desires zion is ITHIOPIA...SO where betta to go than thru di ancient Istory an kulchural institution of di Orthodox Church...I tink seh dat is wha Abuna meant as well, dat eventually HE SEES Rastafari all moving in di direction which Bob an Judy an MANY addahs have eventually come to. I do not view it as a battle against Rastafari. As we all know, Rastafari is all so diverse, dat in all Realility, COMPLETE INITY IS UNLIKELY DUE TO ITS DIVERSITY..SO RIGHT NOW INI HOPE FI HARAMBE, AT BEST, yuh see mi?
Allright Iyah..give thanks fi di topics an reasoning...Guidance, an Love
in His Light an Love
kaya I