Run Away (Part II)

but right now..
rastaman really caan - run away
cause di more fortunate haffi help di weaker ones - find a way
broddas and sistas inna di struggle,
junior, nicky and - shauna kay
too much outer influence, wi nuh want dem - turn astray
inna di shitty full up a bare - perves and gay
and dem a tell Kalonji seh him fi put him - gun away
suh dem can infiltrate di yutes mind wid dem - bullo ways
but i seh guh dung pope benedict,
no, yuh cannot steal our - sons away
Haile Sellassie seh InI must - congregate
organise and centralise,
come mek wi - repatriate
set up bizniz, credit unions, buy a ship..
black people mek wi - sail away
gods and goddesses, kings and queens,
inna wi hist'ry a - suh wi stay
diplomatic status, immigration caan - collar we
police bwoy when yuh si di warrior,
beg yuh, put ur - gun away
bows and arrows of ancient,
but di SLR still neatly - tucked away
yes wi love peace and calm,
but fi wi rights wi will mek blood - run away
fyah burn impersonation, i seh dreadie - go away
burn out indoctrination, mek yute meds get fi - spread away
cultural connection, kushite, i seh don't sell ur - soul away
sum man lef dem woman and gone tek - f*** a ways
perverted faada and modda, pon di news - everyday
how sick is ur mental dat u waan fondle ur - son a ways
13 yr old dawta and yuh a try shorten har - yuteful days
where is dis coming from? is it di - "god" wi praise
most churches and bar,
dat seem to i like - contradicting ways
is dis progression? when last yuh si a - drama play
wid suppin fi wi think pon,
suppin fi guh home and - meditate
sex and voilence pon di tv,
fi wi yutes, is dis what wi waan fi - demonstrate
country and rural, all dese definitions do is - separate
money is di visa dem give wi fi - segregate
and lef di poorer ones wid di - heavy weight
but to speak of all di follies and wrongs,
would only mek dis poem - elongate
suh our hope rest in Life,
everyday give - thanks and praise
sum call i naive, oddas optimistic,
but i-man si... betta days.