Religion

why waste ini tmie fighting religion,
when is really the selfish heart and thought of ini that cause all di division.
the wicked meditation and action of man,
is the real enemy against which to i-nite hands.
caah religion is just a vehicle, and is how yuh drive it,
Haile Selassie is religious, and di highest i-ration HIM ites it.
suh di swapping of one ego fi di next,
get you happy, but di nex man vex.
seh burn indoctrination,
yet ya try doctrinate i against religion.
seh burn religious guilt & control,
but yuh want i pon "ur side" - i sight di plan unfold [selfish]
suh yuh want i swap di churchical, moral religion,
fi dis worldly, so called "logical" decision.
when a still just views and ideas,
which side fi choose, yutes confused, wid too much ideas.
suh now dem burn morals subconsciously,
no remorse fi "logical" indecency.
suh who or what is really di enemy?
and wat is dis new ideology yuh sellin' mi?
now what was religion wid "God"
now become religion wid banks...
credit unions, stock market & money,
loose sex, white lies, sweetheart behind 'honey'.
no more praying,
more free expression, no matter who hurt by what yuh sayin'.
no love & kind, jus biznizdeal and alliance,
no friend & group effort, jus computer & "mek work easier" appliance.
everyting look pretty, but who it benefit,
2007 is a modern car, but di engine retrofit.
suh do n't fight out a ting,
wid no suggestion of an offspring.
i hear all di negatives of religion,
but not one positive of dis new decision.
everyione a look sumting fi blame, [blame culture]
but di wickedness pon Earth still remain.
illusions, illusions, man still immoral & unkind,
why all di talk & fight dung of di upfull created by mankind.
when a build wi fi build pon di positives,
sidung & reason, lessen di negatives.
suh mek ini lef half-thought criticism oneside,
caah while yah fight religion, a more ones & ones ya divide.

....what really is yuh aim?

OnePerfectLove