Land of I Birth

[natural blacks]

Land of I Birth..

why bodda be jamaican
if jamaican nuh entitiled to jamaica lan?
all i get is passport and voters' card,
TRN mek sure tax man know mi yard.
di price high fi play inna skool yard,
and only one and few have dr. health card
a who a set di priorities?
how no one nah look out fi di majorities?
jesus did seh born in sin,
but born in debt is a jamaican ting.
1962 dem seh independence,
2006, dem seh loan dependent
no family bizniz fi come run,
loan fi university, but work a only fi sum.
who caan 'play guitar' betta guh pave di tar,
a jus who know you,
and sufferation if you nuh know who.
hypertension, diabetes,
di people dying of social diseases..
every week dem deh a parliment,
all now di ppl caan hear nuh good arguement.
yuh nuh entitled to land,
yuh nuh entitled to education,
everyting dun thru monetary application..
... but a wat a gwaan ...
... how come i nuh have no lan' inna "my lan'"?
den a wha i fi hoist jamaican flag pon?


WordSoundIsPower

December 5, 1934 ... Italy attacks WalWal, Ethiopia. Propoganda and rumours of war... guh dung! InI must remember and salute di i-ncient patriarchs. Hail Haile Selassie I! Empress Menen, InI I-ma of I-ration, Iyata I.

... Ethiopia is I concern, jamaican flag fi burn!

[NuseVoice]

This is a seriuos piece I, you know although the people in Government at the time had a great part to play on the social and economic consequences of Jamaica, the IMF and World Bank had even greater roles with their policies and conditions for loans, I see where your anger comes from but star dont turn your back on the country, in doing so you turn your back on the people who are there as well.
Give thanks for your position inlife now, pass your blessings on the seed to which growth is an uncertainty.
We have to do what we can to at least try to turn the tables for our children and garuantee them their basic rights.


Respect and blessings, One Perfect Love


"Unless the rights of the least of men are assiduously protected as those of the greatest, the seeds of confidence will fall on barren soil."

- Emperor Haile Selassie I